Hey Chhathi Maiya Song Download

आँखि के पुतरिया में आस बा सहेजल कि भर जाई अँचरा हमार हियरा के कोठरी में बसेला उमेद माई छठी दिहें दुख से उबार। छठी माई महिमा तोहार, बरसे जग संसार। परब सुहावन ई कातिक महिनवा से दियना जरेला चहुँओर सीतल सरोवर के लहके बयरिया से बरतिन अगोरेली भोर घाट घाट भीर लउके,साजल दउरवा से, कोसिया में नेह के अँजोर किरपा दुलार माँगी सबका ला तोहसे, होs माई सुनि ल पुकार.... हियरा के कोठरी में बसेला उमेद माई छठी दिहें दुख से उबार। छठी माई महिमा तोहार, बरसे जग संसार.. बाबू जोगावेले अन धन सपनवा से सगरे सहेजेले घरवा दुआर चउका सजावेली नौकी पतोहिया से घूँघटा में आंटल बा जग के दुलार पूत संग माई के देखि के जतनवा से भरि जाला नयना हमार तोहरे असीस मइया बरसे जगत में, बिखरे ना घर परिवार हियरा के कोठरी में बसेला उमेद माई छठी दिहें दुख से उबार। छठी माई महिमा तोहार... बरसे जग संसार..